2025 ஆங்கில புத்தாண்டு ராசி பலன்கள் - மீனம்

முன்னுரை

எதிலும் அகப்படாமல் சிந்தித்து செயலாற்றும் மீன ராசி அன்பர்களே..! புதிதாக வரப்போகும் ஆங்கில புத்தாண்டில் உள்ள கிரக நிலைகளின் அமைப்பின் அடிப்படையில் இனி எதிர்காலத்தில் எதிர்பார்க்கப்படும் நன்மைகள் மற்றும் சவால்கள் என்ன என்பதை நாம் நித்ரா மேட்ரிமோனி பதிவில் காணலாம்!

குடும்ப உறவுகள்

சிறு கருத்து வேறுபாடுகள் குடும்ப உறுப்பினர்களிடையே அவ்வப்போது தோன்றி மறையும். வேகத்தைக் காட்டிலும் விவேகம் பல வழிகளில் முன்னேற்றம் கொடுக்கும். புதுமையான சிந்தனைகள் மற்றும் வியூகங்கள் மூலம் திறமைகளை வெளிப்படுத்தி, தனக்கென புதிய அத்தியாயத்தை உருவாக்க வாய்ப்புகள் உருவாகும். சில அனுகூலமற்ற செலவுகள் காரணமாக பொருளாதாரத்தில் ஏற்றத்தாழ்வு ஏற்படும். நண்பர்கள் வழியாக சில செலவுகள் உருவாகி மறையும். செயல்பாடுகளில் சுதந்திரம் அதிகரிக்கும். காப்பீடு தொடர்பான பணிகளில் முன்னேற்றம் கிடைக்கும். நெருங்கியவர்களிடம் குடும்ப விஷயங்களை பகிர்வதைத் தவிர்ப்பது நல்லது. தந்தை வழி உறவினர்களிடமிருந்து அனுசரனையைப் பெற வேண்டும்.

உடல் ஆரோக்கியம்

ஆரோக்கியம் மேம்படும், சளி தொடர்பான பிரச்சனைகள் குறையும். காரசார உணவுகளைத் தவிர்க்கவும். அதிக சிந்தனைகளால் தலைவலி ஏற்பட்டு நீங்கலாம்.

பெண்கள்

பெண்களுக்குப் பிறந்தவர்களுடன் கருத்து வேறுபாடுகள் வந்தாலும் ஒற்றுமை குறையாது. மனதில் புதுவித சிந்தனைகள், ஆசைகள் உருவாகும். சிறு வருவாயினைக் கொண்டு சேமிப்பை மேம்படுத்த நேரம் கிடைக்கும். ஆடம்பர செலவுகளை குறைக்கவும். உடல்நிலையில் மாற்றங்கள் இருக்கும்.

மாணவர்கள்

மாணவர்களுக்கு பொழுதுபோக்கில் ஆர்வம் அதிகரிக்கும். எழுத்து, கட்டுரை போட்டிகளில் திறமைகளை வெளிப்படுத்துவார்கள். உயர்கல்வியில் கவனத்துடன் இருக்கவும். புதிய துறைகளில் ஆர்வமுடன் பயில வாய்ப்பு கிடைக்கும். கற்பித்தல் பணிகளில் இருப்பவர்களுக்கு ஏற்ற சூழல் அமையும்.

உத்தியோகஸ்தர்கள்

மறைமுக திறமைகள் மூலம் வாய்ப்புகளை உருவாக்குவீர்கள். வாகனம் தொடர்பான செலவுகள் ஏற்படலாம். உல்லாச பயணம் மனதில் அதிகரிக்கும். சக ஊழியர்களின் ஒத்துழைப்பு திருப்தியை அதிகரிக்கும். வழக்கு விஷயங்களில் எதிர்பார்த்த முடிவுகள் கிடைக்கும். உயர் அதிகாரிகளின் மறைமுக ஆதரவு கிடைக்கும்.

வியாபாரிகள்

சாதகமான சூழ்நிலை உருவாகும், வாடிக்கையாளர்களின் ஒத்துழைப்பு கிடைக்கும். புதிய முயற்சிகளில் முன்னேற்ற வாய்ப்புகள் அதிகம். வாடிக்கையாளர்களிடம் தேவையற்ற வாதங்களைத் தவிர்க்கவும். தொழில் காரணமாக வெளியூர் பயண வாய்ப்புகள் அமையும். வர்த்தக முடிவுகளில் தகுந்த ஆலோசனைகளைப் பெறுவது நல்லது. அரசு உதவிகள் சிலருக்கு கிடைக்கும்.

கலைஞர்கள்

கலைஞர்களுக்கு சிந்தனைகளில் தெளிவு கிடைக்கும். சிறு பயணங்கள் மூலம் மாற்றங்களை காணலாம். இசை துறையில் முன்னேற்ற வாய்ப்புகள் கிடைக்கும். பொருளாதாரத்தில் முன்னேற்றம் காணப்படும்.

அரசியல்வாதிகள்

சாதூரியமான செயல்பாடுகள் மூலம் தடைகளை வெற்றி பெறுவீர்கள். வெளி வட்டாரத்தில் செல்வாக்கு அதிகரிக்கும். கட்சிப் பணிகளில் பொறுப்புகள், மதிப்புகள் மேம்படும். புதிய நபர்களின் அறிமுகம் மனதிற்கு நம்பிக்கையை ஏற்படுத்தும்.

வழிபாடுகள்

திருவலஞ்சுழியில் உள்ள ஸ்வேத விநாயகரை வழிபட நினைத்த காரியம் நிறைவேறும்.

முடிவுரை

இங்கு குறிப்பிடப்பட்ட அனைத்து சுப, அசுப பலன்களும் அவரவர்களின் தசாபுத்திக்கேற்ப நிகழும். 2025 இல் மீன ராசி பலன்கள், உங்கள் வாழ்க்கையில் பல முன்னேற்றங்களை காண்பிக்கின்றன. உங்கள் திறமைகள், மனதின் தெளிவு மற்றும் வாய்ப்புகளை பயன்படுத்தி, வெற்றிகளுக்கான வழியை பின்பற்றுங்கள். மேலும், குடும்ப வாழ்வின் மகிழ்ச்சியில், உங்கள் வாழ்க்கை துணையை தேர்ந்தெடுப்பதற்காக, நித்ரா மேட்ரிமோனி உதவியுடன் உங்கள் பயணத்தை ஆரம்பியுங்கள்.