கன்னி ராகு-கேது பெயர்ச்சிப் பலன்கள் 2023 - 2025

சர்ப்ப கிரகங்கள் என்று அழைக்கப்படும் ராகு மற்றும் கேது மற்ற கிரகங்களைப் போலல்லாமல் ராசியில் வக்ரமாக சஞ்சரிக்க கூடியவர்கள். ராகு கேது பெயர்ச்சி 2023 முதல் 2025 வரை கன்னி ராசிக்கு என்ன மாதிரியான பலன்களைத் தரப்போகிறது என்பதை இந்த பதிவில் பார்க்கலாம். கன்னி ராசி அன்பர்களே!! திருமணத்திற்கு இன்னும் வரன் அமையவில்லையா? நித்ரா மணமாலையில் உடனே பதிவு செய்யுங்கள் உங்கள் ஆசைக்கும் அன்புக்கும் பொருத்தமான வரனை நீங்களே செலக்ட் பண்ணுங்க!!

ராகு-கேது பார்வை

💖 புதன் பகவானின் அருள் பெற்ற கன்னி ராசி அன்பர்களே!!! உங்களின் முயற்சிகள் மற்றும் செயலுக்கு ஏற்ப முன்னேற்றம் தரும் காலமாக இந்த ராகு-கேது பெயர்ச்சி இருக்கும்.

💖 இனி வர இருக்கின்ற ஒன்றரை ஆண்டு காலம் போக சுபத்திற்கு அதிபதியாக இருக்கக்கூடிய ராகு பகவான் கன்னி ராசிக்கு களத்திர ஸ்தானம் என்னும் ஏழாம் பாவகத்திலும், ஞானத்தை அளிக்கக்கூடிய கேது பகவான் ராசி ஸ்தானம் என்று அழைக்கக்கூடிய முதல் பாவகத்திலும் சஞ்சாரம் செய்ய இருக்கின்றார்கள்.

💖 ராசிக்கு ஏழாம் வீட்டில் அடி எடுத்து வைக்கும் ராகுவினால் மனதை உறுத்திய சில பிரச்சனைகள் விலகும். மறைந்திருந்த திறமைகள் வெளிப்படும். வாக்குவாதங்களில் ஏற்பட்ட தடைகள் விலகும். எதிலும் உற்சாகத்தோடு செயல்படுவீர்கள். குடும்ப உறுப்பினர்களின் எண்ணங்களை புரிந்து கொள்வீர்கள். வாழ்க்கைத் துணைவருடன் சூழ்நிலைக்கேற்ப அனுசரித்துச் செல்லவும். சில புதிய முடிவுகளை எடுப்பீர்கள். நெருக்கமானவர்களுடன் ஏற்பட்ட சிறு சிறு விவாதங்கள் படிப்படியாக குறையும். வழக்கு தொடர்பான விஷயங்களில் மாற்றமான சூழ்நிலைகள் உண்டாகும். சுபகாரிய முயற்சிகளில் சாதகமான சூழல் அமையும். பிறமொழி பேசும் நபர்களின் அறிமுகம் கிடைக்கும்.

💖 ராசிக்கு முதல் வீட்டில் அடி எடுத்து வைக்கும் கேதுவினால் பேச்சுக்களில் இருந்துவந்த தடுமாற்றம் விலகும். புதிய முடிவுகளில் அனுபவம் வெளிப்படும். குடும்பத்தில் இருந்துவந்த இடைவெளிகள் படிப்படியாக குறையும். எதிர்காலம் சார்ந்த சில முடிவுகளை எடுப்பீர்கள். சந்தேக உணர்வுகளை குறைத்துக் கொள்ளவும். ஆன்மிகம் தொடர்பான சிந்தனைகள் அதிகரிக்கும். உத்தியோக மாற்றம் தொடர்பான செயல்பாடுகளில் சிந்தித்துச் செயல்படவும். சமூகம் தொடர்பான பணிகளில் ஈடுபாடு குறையும். நண்பர்களிடத்தில் வீண் வாதங்களை தவிர்க்கவும். சிறு சிறு விஷயங்களை பெரிதுபடுத்தாமல் இருப்பது நல்லது. கடன் நிமிர்த்தமான சிந்தனைகள் உண்டாகும். உடன்பிறந்தவர்களிடம் அனுசரித்துச் செல்லவும்.

உடல் ஆரோக்கியம்

💖 ராசியில் கேது நிற்பதால் ஒற்றைத் தலைவலி, தூக்கமின்மை சார்ந்த பிரச்சனைகள் உண்டாகும். எதிலும் பற்றற்ற மனநிலை ஏற்படும். எதிர்பாராத திடீர் பயணங்களால் உடலில் அசதிகள் உண்டாகும். காய்கறிகள் மற்றும் கீரைகளை அதிகம் சாப்பிடுவது நல்லது.

பொருளாதாரம்

💖 பொருளாதாரத்தில் இருந்துவந்த நெருக்கடியான சூழல் மறையும். மனை வாங்கும் யோகம் அமையும். முன்ஜாமீன் மற்றும் வாக்குறுதி கொடுப்பதை தவிர்க்கவும்.

உத்தியோகஸ்தர்கள்

💖 பணிபுரியும் இடத்தில் பொறுப்புகள் அதிகரிக்கும். உயர் அதிகாரிகள் ஆதரவாக செயல்படுவார்கள். கலகலப்பான பேச்சுக்களின் மூலம் ஒத்துழைப்பை உருவாக்கிக் கொள்வீர்கள். வேலை தொடர்பான புதிய திட்டங்களில் கிடைக்கும் வாய்ப்புகளை பயன்படுத்திக் கொள்வது நல்லது. மூத்த அதிகாரிகளின் ஆலோசனைகள் மாற்றத்தை ஏற்படுத்தும்.

வியாபாரிகள்

💖 கூட்டாளியிடம் இருந்துவந்த கருத்து வேறுபாடுகள் குறையும். அரசு தொடர்பான காரியங்களில் கவனத்துடன் இருக்கவும். போட்டிகளில் இருந்த பிரச்சனைகள் குறையும். புதிய அணுகுமுறைகளை உருவாக்குவீர்கள். வெளியூர் மற்றும் வெளிநாட்டு தொடர்புகளால் அனுகூலம் ஏற்படும். முதலீடு சார்ந்த சிந்தனைகள் உண்டாகும். கடைகளை விரிவுபடுத்துவதற்கான வாய்ப்புகள் அமையும். தொழில் நிமிர்த்தமான ரகசியங்கள் பகிர்வதை தவிர்க்கவும்.

அரசியல்வாதிகள்

💖 அரசியல்வாதிகள் பயனற்ற கருத்துகள் கூறுவதை தவிர்த்துக் கொள்ளவும். கட்சி நிமிர்த்தமான பயணங்கள் அதிகரிக்கும். உடல் ஆரோக்கியத்தில் கவனம் வேண்டும். மனை மற்றும் வாகன விஷயங்களில் கவனம் வேண்டும். பேராசையின்றி செயல்படுவது நல்லது.

கலைஞர்கள்

💖 கலைத்துறையில் முயற்சிக்கு உண்டான மதிப்பு கிடைக்கும். வெளிவட்டார தொடர்புகள் அதிகரிக்கும். மனதளவில் இருந்துவந்த குழப்பம் விலகும். வித்தியாசமான சிந்தனைகளின் மூலம் புதிய படைப்புகளை உருவாக்குவீர்கள்.

பெண்கள்

💖 பெண்களுக்கு ஆன்மிக பணிகளில் ஆர்வம் உண்டாகும். கணவன், மனைவிக்கிடையே அனுசரித்துச் செல்லவும். குடும்ப உறுப்பினர்களை பற்றிய சிந்தனைகள் அதிகரிக்கும். பொன், பொருட்களில் ஆர்வம் ஏற்படும். மனதளவில் சிறு சிறு சஞ்சலங்கள் தோன்றி மறையும். எந்த ஒரு செயலிலும் திருப்தியின்மை உண்டாகும்.

மாணவர்கள்

💖 மாணவர்களுக்கு கல்வியில் ஆர்வம் ஏற்படும். விளையாட்டு மற்றும் போட்டிகள் சாதகமாக இருக்கும். சக மாணவர்களின் ஆதரவு கிடைக்கும். உயர்கல்வியில் இருந்துவந்த குழப்பம் மறையும். எதிர்பாராத சில உதவிகளால் அனுகூலம் ஏற்படும்.

நன்மைகள்

💖 நடைபெற இருக்கின்ற ராகு கேது பெயர்ச்சியால் புதிய நண்பர்களின் அறிமுகம் கிடைக்கும். மனதளவில் தன்னம்பிக்கை அதிகரிக்கும்.

தீமைகள்

💖 நடைபெற இருக்கின்ற ராகு கேது பெயர்ச்சியால் சிந்தனையின் போக்கில் கவனம் வேண்டும். திறமைக்கு உண்டான மதிப்பு காலதாமதமாக கிடைக்கும்.

வழிபாடு

💖 புதன்கிழமை தோறும் விநாயகருக்கு அகல் விளக்கேற்றி வழிபட நன்மை உண்டாகும்.

💖 கருடாழ்வாரை வழிபட மனதளவில் இருந்த குழப்பம் குறையும்.

கன்னி ராகு-கேது பெயர்ச்சி 2023 - 2025 பரிகாரம்

💖 செவ்வாய்க்கிழமைகளில் முருகப்பெருமானை வழிபட்டு வந்தால் இழுப்பறியாக இருந்து வந்த பிரச்சனைகளுக்கு தீர்வு கிடைக்கும்.

💖 உங்கள் ராசியிலேயே கேது சஞ்சாரம் செய்ய இருப்பதால், விரக்தியான மனப்பான்மை, தனிமையை நோக்கி செல்லுதல் போன்ற எண்ணங்கள் உண்டாகும். விநாயகர் கடவுளை விடாமல் வழிபாடு செய்தால் நல்ல பாதைக்கு வழிவகுக்கும்.

💖 தினமும் தியானம் செய்யுங்கள்.

💖 நாகர் சிலைகளுக்கு தண்ணீர் விட்டு வழிபாடு செய்தால் நன்மை உண்டாகும்.

💖 குடும்ப வாழ்க்கையில் விட்டு கொடுத்து செல்வது நன்மை பயக்கும்.

மேற்கூறிய ராகு-கேது பலன்கள் யாவும் பொதுவான பலன்கள் ஆகும். தனிப்பட்ட ஜாதகத்தில் நடைபெறும் தசா புத்திக்கு ஏற்ப பலன் மாற்றம் ஏற்படும். கன்னி ராசிக்காரர்களே! வாழ்க்கைத் துணையை தேடி சோர்ந்து விட்டீர்களா? உங்கள் சோகத்தைப் போக்க ஒரு சிறந்த வழியை நித்ரா மணமாலை வழங்குகிறது. ஆமாம் பயனாளரே!! உங்கள் ஜாதகத்திற்கு ஏற்ற வரன்கள் உங்களுக்காக காத்துக் கொண்டுக்கிறார்கள். வரன் பதிவு முற்றிலும் இலவசம்! இன்னும் ஏன் தாமதம்..!! இப்பவே பதிவு செய்யுங்கள்..!!