2025 ஆங்கில புத்தாண்டு ராசி பலன்கள் - தனுசு

முன்னுரை

2025 ஆம் ஆண்டு தனுசு ராசிக்கு கல்வி, பொருளாதாரம், திருமணம், உடல் ஆரோக்கியம் போன்றவற்றில் கலவையான பலன்கள் எப்படி இருக்கும் முன்கூட்டியே என்ன செய்ய வேண்டும் என்பது குறித்து இந்த நித்ரா மேட்ரிமோனி பதிவில் விரிவாக காண்போம்.

2025 புத்தாண்டு தனுசு ராசி பலன்

தனுசு ராசிக்காரர்கள் பொதுவாக உற்சாகமாகவும், சுதந்திரமாகவும், ஆழமான சிந்தனையாளர்களாகவும் இருப்பார்கள். இவர்களின் குணாதிசயங்களைப் பற்றி மேலும் சொன்னால் புதிய விஷயங்களை கற்றுக் கொள்ள அதிக ஆர்வமாக இருப்பார்கள். இவர்களின் நகைச்சுவை உணர்வால் எளிதில் அனைவரையும் ஈர்க்கும் திறன் படைத்தவர்கள். உங்களுக்கு பிறக்கின்ற 2025 ஆங்கில புத்தாண்டு எவ்வாறு இருக்கும் என்று பார்ப்போம்.

உடல் ஆரோக்கியம்

தனுஷ் ராசி அன்பர்கள் தங்கள் உடல் ஆரோக்கியத்தில் சற்று கவனம் தேவை உங்களுக்கு சனி பெயர்ச்சியின் காரணமாக ஆரோக்கியத்தில் பாதிப்புகள் ஏற்படக்கூடும். நெஞ்சு, இதயம், நுரையீரல் சம்மந்தமான தொந்தரவில் இருப்பவர்கள் கூடுதல் கவனத்துடன் இருப்பது நல்லது. இருந்தாலும் ராகு பெயர்ச்சி ஆவதால் இதுவரை இருந்துவந்த பிரச்சனைகள் குறையும். சனிபகவானால் பாதிப்புகள் ஏற்பட்டால்கூட குரு பகவான் அருள் கிடைக்கப் பெறுவீரர்கள்.

பெண்கள்

இந்த ஆங்கில புத்தாண்டில் பெண்கள் சில முக்கிய முடிவுகளை எடுக்கும்பொழுது பெரியோர்களின் கருத்துக்களுக்கு முக்கியத்துவம் கொடுப்பது உங்கள் மீதான நன்மதிப்பை மேம்படுத்தும். இதுவரை இருந்துவந்த பொருளாதாரம் தொடர்பான நெருக்கடிகள் குறையும். வீட்டில் லக்ஷ்மி கடாட்சம் பெருகி செல்வம் சேரும். பழைய நினைவுகள் மூலம் செயல்பாடுகளில் சிறு காலதாமதம் உண்டாகும். உத்தியோகம் சார்ந்த பணிகளில் எதிர்பாராத சில மாற்றமான சூழ்நிலைகள் காணப்படும்.

திருமண வாழ்க்கை

இந்த 2025 ஆண்டின் முன் பகுதியை விட பின் பகுதி அதாவது மே மாதத்திற்கு பிறகு உங்களுக்கு நல்ல பலனை குடுக்கப்போகிறது. மேலும் திருமணத்திற்கான கதவு திறக்கப்படும்.

கல்வி

இந்த ஆண்டு மாணவர்கள் கல்வியில் சிறந்து விளங்க முயற்சிக்க வேண்டும். போட்டித் தேர்வுகளில் வெற்றி பெற தொடர்ந்து உழைக்க வேண்டும். ஆண்டின் இறுதியில் சனி மற்றும் ராகு பெயர்ச்சியால் கல்வியில் சிறிது தடை ஏற்படலாம் கவனமாக இருக்க வேண்டும்.

பொருளாதாரம்

2025ஆம் ஆண்டு நிதி நிலை சவாலானதாக இருக்கும். ஆனால், சிறிது விவேகத்துடன் நிர்வகித்தால், நிதி நெருக்கடியைத் தவிர்க்கலாம். ஆண்டின் முதல் பகுதியில் சேமிப்பை முக்கியமாகக் கருதி சேமித்தல், பின்னர் தேவைப்பட்டால் பயன்படுத்திக்கொள்ளலாம்.

வியாபாரிகள்

கூட்டாளிகளுடன் சூழ்நிலைக்கு ஏற்ப அனுசரித்து செல்லவும். வேலையாட்களின் ஒத்துழைப்பு மனதிற்கு திருப்தியை ஏற்படுத்தும். வியாபார கிளைகளை பெருக்குவது தொடர்பான உதவிகள் ஏற்படும். ஒப்பந்த செயல்களில் கவனம் வேண்டும். மறைமுக நுட்பங்களை சூழ்நிலை அறிந்து பயன்படுத்துவீர்கள். கடன் பிரச்சனைகளுக்கு தீர்வுகள் ஏற்படும். பிற மொழி பேசும் மக்களின் அறிமுகங்கள் மூலம் முன்னேற்றமான வாய்ப்புகள் கிடைக்கும்.

வழிபாடுகள்

குலதெய்வ வழிபாடு செய்துவர எண்ணங்களில் தெளிவும் சுப காரியங்கள் கைகூடுவதற்கான வாய்ப்புகளும் உருவாகும்.

முடிவுரை

மேலே கூறப்பட்டுள்ள அனைத்து சுப மற்றும் அசுப பலன்கள் யாவும் அவரவர்களுக்கு நடைபெறுகின்ற தசாபுத்திக்கேற்ப கிடைக்கும். இந்த பதிவில் குறிப்பிட்ட தகவல்கள் அனைத்தும் பொதுவான தனுசு ராசி பலன்கள் மட்டுமே. மேலும் இது போன்ற தகவல்கள் பெறவும் உங்களுக்கு ஏற்ற வாழ்க்கை துணையை கண்டுபிடிக்க நித்ரா மேட்ரிமோனி இணையதளத்தை பார்வையிடுங்கள்.